संस्कृत गीत – भारतवन्दना – डॉ रेखा शुक्ल

भारतजननि ! भव विजयिनी यशस्विनी।

सन्ततिः भवतु तव सततप्रेमशालिनी ।।01।।

 नीलाद् गगनात् पततु वृष्टिः पावनी

पुण्यनदीषु हि वहतु नेहधारा

सत्यशिवसुन्दराणां घोषशालिनी

भारतजननि ! भव विजयिनी यशस्विनी ।।02।।

 

सागरतुल्या गहनागभीरा

हिमगिरिसमम्  उच्चादर्शयुक्ता ।

भरतसंस्कृतेश्च धवला पताका

भारतजननि ! भव विजयिनी यशस्विनी ।।03।।

 

सुवर्णपुष्पा वसुमति धरा च

हरितवर्णतरुभिरलङ्‌कृता या ।

नानाविधैश्च ओषधिभिः सुदीप्ता

भारतजननि ! भव विजयिनी यशस्विनी ।।04।।

 

षड्‌ऋतुसमृद्धा वैभवयुता सा

अनेकैश्च धनधान्यैः श्यामला या ।

विश्वे विराजिता रविभास्वरा सा

भारतजननि ! भव विजयिनी यशस्विनी ।।05।।

 

नाके वसद्‌दे‌वैरपि पूजिता या

व्यासगुरुकविवरभू‌षिता या।

सततवन्दनीया दिव्याधरा मे

भारतजननि ! भव विजयिनी यशस्विनी ।।06।।

 

यत्रैकता बन्धुता पोषिता च

सद्भावमधुरा समदृ‌ष्टिमनोज्ञा ।

सुसंस्कृतिविराजिता रम्यरूपा

भारतजननि ! भव विजयिनी यशस्विनी ।।07।।