संस्कृत गीति – मधुमासः – डॉ. रेखा शुक्ला

 

विलसति आलि ! मधुरवसन्तः
प्रवहति शीतलमन्दसमीरःगुञ्जति भृङ्गः पुष्पे पुष्पे
गायति कलमव्यक्तं गीतम्
वेल्लति कुसुमावलिरुद्याने
प्रसरन् वायुमण्डले गन्धम्
विलसति आलि ! मधुरवसन्तः
 
पीतवर्णपरिधानशोभिता
हर्षितविकसितकु‌सुमराजिता
प्रकृतिकामिनीसर्षपक्षेत्रे
मन्ये अभिनन्दति मधुमासम्
विलसति आलि! मधुरवसन्तः
 
राजति रम्यरसालमन्जरी
मधुरसगन्धवेष्टितवृक्षे
कूजति मन्दरवेन पिकालिः
प्रतिनन्दयति च लोकमनांसि
विलसति आलि! मधुरवसन्तः
 
विहरति धोऽयम् कन्दर्पः
मधुऋतुमित्रं शरसमन्वितः
पीताम्बरनरनारीवृन्दः
राजति नन्दितस्यन्दितचित्तम्
विलसति आलि ! मधुरवसन्तः