ગુજરાતી ગઝલ - યંત્ર છે કે માનવી, બસ એ જ સમજાતું નથી - ભારતી ગડા

  

યંત્ર છે કે માનવી, બસ એ જ સમજાતું નથી; 

બેઉમાંથી એકનું પણ ચિત્ર દોરાતું નથી.

 

દોડવાનું, ભાગવાનું, હાંફવાનું છે સતત;

કોઈને પણ ‘કેમ છો’ એવુંય પૂછાતું નથી.

 

કેટલો ઘોંઘાટ ,કોલાહલ ભરેલું શહેર છે

ચોતરફ બસ ભીડ છે ,સામુ ય જોવાતું નથી.

 

રાત દી' ત્યાં લાલ ,લીલી લાઈટો ઝબક્યા કરે,

જલકમલવત્ સૌ , હ્દય  જેવું ય દેખાતું નથી.

 

બસ  ખરીદી લો હવા ,પાણીને સાથે પ્રેમ પણ

આંખમાં આંસુ ઠરે છે  બહાર ઉભરાતું નથી.